பிராட்கேஜ் பிளாட்பாரம்
அந்த பிளாட்பாரத்தில் நடந்த அனைவரும் தொலைந்தவர்கள்.
தொலைந்ததை தேடப் போய் தொலைந்து போனவர்கள்.
நெடிய அந்த பிளாட்பாரத்தில் நடக்கும் போது
எதோ வாழ்க்கையில் வாழ்வது போன்ற உணர்வு.
தொலைவில் எரியும் சிகப்பு விளக்கு - அதை
எல்லையாக எண்ணி நோக்கி நடக்கின்றேன்.
இதோ இதோ என்று ஆசையைத் தூண்டுகின்றது.
நடக்க நடக்க தொலைவு காணாமல் போய்க்கொண்டிருந்தது
சிகப்பும் நெருங்கிக் கொண்டேயிருந்தது
வாழ்கையைப் போன்றே.
ஆனால் இவ்வாழ்க்கையில் தான் காலத்தை நிறுத்த முடியும்
நிஜவாழ்கையில் முடியதே!
ஒரு வழியாக சிகப்பை அடைந்தேன்.
எல்லையை தொட்டுவிட்ட ஆனந்தத்துடன்,
ஒரு உண்மையை உணர்தேன்.
பிளாட்பாரத்திற்கு முடிவுண்டு,
தண்டவாளத்திற்கு இல்லையென்று.
2000, பிராட்கேஜ் பிளாட்பாரம், தாம்பரம்.